1 chambre de 25m² dans Lucerne

Für üsi 4er WG im herze vo Luzern, sueched mir ab September es neus WG gspänli. Üsi WG lieht 4gehminute vom HB und 3 vode Kappelbrugg. (wennt renne muesh sogar 2) Mir sueched öpert, wo gern mol amne obig mit üs zemesitzt, über gott und die welt schwäzt, eis mit üs trinkt, spieli spielt, cooli film luegt (meistens) und no für ganz viel witers.Trotz üsere lustige gmeinsame Ziet, ish es e Balance au immer wichtig, dassmer sich jederziet zruckzieh chan und sini me-time gnüsst. Für das ish es dehei shlussendlich au do. Damit du weish, uf wer du dich ilohsh, do was chlises zu üs:Über Shayenne, von Jess:Bish du e sprochtalent? Denn bish bi üs absolut richtig. Da wirsh nämlich bruche chöne, wennt probiere willsh, de wunderschöni walliser dialekt vo üsere liebe Shayenne zverstoh. Sobald da aber mol gmeisteret hesh, chash di uf was gfasst mache. Egal obs wild in usgang go ish, ein witz nochem andere riese oder au eif e gueti ziet ha, si ish tFrau defür, üsen Stimmigsmacher. Wenn si aber je mit dir tequila trinke will, seg nei. Du weish nöd, i wa di ineritish. Sie ish aber au für meh zha. Wennt je en liebevolle aber ehrliche rotschalg bruchsh oder auf eifach dis herz usshütte willsh, chash da bi ihre immer. Usserdem nappt si wie en weltmeister, egal um weli ziet, egal wo, also dörfsh nöd verwunderet si, wennt am nomi plötzlich mol e verschlofeni Shayenne atriffsh.Über Jess, von Nils (üsen alte Mitbewohner):Nachdem du beidi text vorher duregläse hesch, muessi di leider enttüsche dass d jessica us st. Galle chunnt. Nid nur ihre dialäkt, sondern au d flachwitz muess me zweimol überdenke. Aber genau das macht sie so einzigartig! Ihri charmanti, dynamischi art und ihre herzerfrüschende humor möche jedi unterhaltig zumene erlebnis. Ihri energie isch echt ahsteckend. Sigs bim sport mache oder bim früsche iisbad im see, sie chame für jedi neui idee begeistere. Leider hets nonig so klappt sie züberzüüge au mol mitere gable zässe. Sie iist würklich alles mit em löffel... Jetzt weisch scho wer se ufbrucht het wenns kei suberi me het.Über de Andrin vode Jess:De Andrin ish üses neuste WG gspänli und selber erst sitem Januar mitdebi. Iglideret het er sich aber sho, als wär er sit langem do. Dementsprechend gseht au sis zimmer us (siehe bild). Näbst super Zimmer baue, chaner no vieles meh. Wennt gern feins esse hesh, bish do genau richtig und wennt glück hesh, wirsh gad iglade zum mitesse. De Andrin studiert Landshaftsarchitektur und deswege wirsh dir vllt eifach ganz viel Pflanzenäme alose müese (da ish aber gringe pris s‘zahle gegs feine esse) Er ish aber no vieles meh. Wennt je öpert zum zuelose/vollschwätze bruchsh, ish er de richtig und het immer es offes Ohr und en guete Ratschlag bereit. Sport chash mit ihm au mache.Mit üs allne, chash aber ganz cools züg mache, wie gsnz viel Velofahre mit de Jess und em Andrin, vode Jess de Berg duruf ghezt werde bim wandere, mit de Shayenne super Kuchibodetalks füere und ganz viel Disneyfilm luege und no vieles meh. Mir freued üs uf dich.